Qostanaıdaǵy ýnıversıtet qorshaýǵa alyndy
QOSTANAI. QazAqparat - Terrorızmge qarsy kúres jónindegi Qostanaı oblystyq Jedel shtaby oblys ortalyǵynda josparly jattyǵý ótkizip jatyr, dep habarlaıdy QazAqparat.
Búgin Qostanaı memlekettik pedagogıkalyq ýnıversıteti qorshaýǵa alyndy. Munda Terrorızmge qarsy kúres jónindegi Qostanaı oblystyq Jedel shtaby josparly jattyǵý ótkizýde. Osyǵan baılanysty, Táýelsizdik kóshesiniń Chehov jáne Borodın kóshelerimen qıylysatyn ýchaskesinde qozǵalysqa ýaqytsha shekteý qoıylady.
Jedel shtab Qostanaı qalasynyń qonaqtary men turǵyndarynan ýaqytsha qolaısyzdyqqa túsinistikpen qarap, baısaldylyq tanytý jáne resmı aqparatty basshylyqqa alýlaryn suraıdy.
