Qostanaıdaǵy órt: Eldi mekenderge qaýip joq
Jalyndap janyp jatqan ýchaskeler joq, qaldyq ot oshaqtaryn sóndirý jumystary júrgizilýde. Tórt aýmaqta (Amanqaraǵaı, Lesnoe, Ozernoe jáne Baǵanaly aýyldary) qaraýyldaý uıymdastyrylyp, jumystar júrgizilýde. Azdaǵan jaýyn jaýǵandyqtan aýa ylǵaldyǵy kúsheıdi.
Saǵat 7:30-dan 8.40-qa deıin órt aýmaǵyna ushý jumystary júrgizildi. Áýeden barlaý nátıjesinde Baǵanaly aýylynan Qazanbasy aýylyna qaraı aýdanda órt tómengi bóliginde baıqalady. Ozernoe, Lesnoe jáne Amanqaraǵaı aýyldarynda jaǵdaı turaqtaldy. Ozernoe, Amanqaraǵaı aýyldarynda tek lokaldy órt oshaqtarynyń janýy, tútin baıqalady. Kúshter men quraldar negizgi jumys júrgizetin Baǵanaly aýdandaryna qaıta toptastyryldy. Baǵanaly, Ozernoe, Lesnoe aýyldarynda eldi mekenderinde jerdi jyrtý jumystaryn júrgizý úshin Qorǵanys mınıstrligi men jergilikti atqarýshy organdardyń ınjenerlik tehnıkasy da jumyldyrylady.
Órt bastalǵannan beri barlyǵy 2091 adam evakýatsııalandy (3 qyrkúıekte Amanqaraǵaı, Ozernoe jáne Lesnoe aýyldarynan- 1841 adam, 5 qyrkúıekte Baǵanaly aýylynan Qazanbasy aýylyna - 250 adam). Áýlıekól orta mektebiniń (21 adam), Áýlıekól mektep-ınternatynyń (1 adam), Qazanbasy orta mektebiniń (20 adam) evakýatsııalaý pýnktinde 42 adam, onyń ishinde 14 bala bar. Evakýtsııalanǵandardyń negizgi bóligi óz úılerine oraldy, qalǵandary týystarynyń úıinde. Barlyǵy 91 turǵyn úı zardap shekti: 85 Amanqaraǵaı aýylynda jáne 6 Ozernyı aýylynda.
Órtti sóndirýge quramynda TJM, ІІM, UU, Qorǵanys mınıstrligi, JAO jáne oblystyń kommýnaldyq qyzmetteriniń kúshteri men quraldary: 207 birlik tehnıka, 6 áýe kemesi, 2 órt sóndirý poıyzy, jeke quramnan 1 785 adam jumyldyryldy. 12 adam (7 turǵyn: kámelettik jasqa tolmaǵan bir adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jeńil jáne ortasha aýyrlyqtaǵy jaraqat, kúıik, ýlaný aldy, 1935 jyly týǵan bir adam qaza tapty.
Órt sóndirý bastalǵan sátten bastap tikushaqtar áýeden 191 ret sý shashty. 4 qyrkúıekte órt aýmaǵy 43 myń gektardan asty, orman sharýashylyǵynyń jalpy aýdany 107 257 ga. TJM jedel jelisi jumys isteıdi, TJM men Qostanaı oblysynyń TJD psıhologtarynyń jumysy uıymdastyryldy. TJM jedel jelisine aqparattyq sıpattaǵy 37 qońyraý kelip tústi. Áýlıekól aýdanynyń evakopýnktinde jeti psıholog shuǵyl psıhologııalyq kómek kórsetedi. Konsýltatıvtik kómek 124 adamǵa kórsetildi jáne toptyq jumys formatymen 45 bala qamtyldy.
Órt sóndirý jumystary jalǵasýda.
Foto : gov.kz
