Qostanaıda úzdik jergilikti saıttar anyqtaldy
QOSTANAI. 13 sáýir. QazAqparat - Búgin Qostanaıda oblystyń ınternet resýrstary baıqaýynyń qatysýshylaryn marapattaý rásimi bolyp ótti.
Baıqaý Qostanaı oblysynyń úzdik elektrondyq aqparattyq resýrstaryn anyqtaý maqsatynda ınfraqurylymnyń qalyptasýy jáne damýy boıynsha jumysty úılestiretin oblystyq komıssııanyń qamqorlyǵymen ótkizilgen.
Saıysqa 80 ǵalamtor-resýrstar qatysty, sonyń ishinde 42 memlekettik jáne 38 memlekettik emes jáne derbes saıttar boldy. Internet-resýrstardyń 12 atalym boıynsha sapasyn oblystyq ákimdik, JOO, «Ulttyq aqparattyq tehnologııalar» AQ jáne úkimettik emes uıymdar ókilderinen quralǵan qazylar alqasy baǵalady. Qostanaı oblysy ınternet resýrstarynyń oblystyq baıqaýy birqatar atalymdar boıynsha jeńimpazdardy anyqtady. Sonyń ishinde «Úzdik ákimdik ınternet resýrsy», «Úzdik memlekettik emes
Internet resýrsy», «Memlekettik tildegi úzdik saıt», «Úzdik medıa resýrs», «Úzdik áleýmettik habarlar saıty» atalymdary boldy.
