Qostanaıda salmaǵy 7 keli sábı dúnıege keldi
QOSTANAI. KAZINFORM - Qostanaı perınataldyq ortalyǵynda naǵyz alyp tulǵaly batyr salmaǵy 7 kelige jýyq, boıy 60 santımetrden asatyn ul bala dúnıege keldi, dep habarlaıdy Kazinform tilshisi.
Medıtsınalyq mekemeniń baspasóz qyzmetiniń málimetinshe, júkti anany mamandar jiti baqylaýmen bosandyryp alǵan. Balanyń esimin Raýan dep qoıǵan. Bul sábıli bolǵan qostanaılyqtardyń otbasyndaǵy úshinshi bala. Úıde úsh jasar egiz ápkeler jańa týǵan náresteni kútip otyr.
— Náresteniń anasy aty-jóni qupııa bolyp qalǵanyn qalady. Bosanǵan ana ózin jaqsy sezinedi, perınataldyq ortalyq qyzmetkerlerine kásibıligi men qamqorlyǵy úshin shynaıy alǵysyn bildirdi, — delingen habarlamada.
Eske sala keteıik, buǵan deıin Shymkentte salmaǵy 7 keli alyp sábı dúnıege kelgenin jazǵan bolatynbyz.
