Qostanaıda qatty aıaz týraly eskertý jasaldy
QOSTANAI Qańtardyń 7-si. QazAqparat /Petr Plahotnıkov/ - Qostanaı oblysynda tótenshe jaǵdaılar qyzmetteri men ákimdikter qatty aıaz ben boran bolatyndyǵy týraly eskertý taratty.
Qostanaı gıdrometeorologııa ortalyǵynyń málimeti boıynsha, qańtardyń 7-s men 9-y aralyǵynda oblys aýmaǵynda keı jerlerde boran bolady, soltústik-shyǵystan jyldamdyǵy 15-20 metr/sekýndpen jel soǵady dep kútilýde. Aýa temperatýrasy túngi mezgilde 30-35 gradýsqa deıin tómendeıdi.
Qostanaı oblysynyń ákimi Sergeı Kýlagın aptanyń basynda arnaıy keńes ótkizip, onda áleýmettik nysandardaǵy temperatýra rejiminiń turaqtylyq máselesi talqylanǵan bolatyn. Ákimdiktiń baspasóz qyzmetinen habarlaǵandaı, aýa raıynyń turaqsyzdyǵyn jáne temperatýranyń jıi tómendeýin eskere otyryp, S.Kýlagın kommýnaldyq qyzmetterge táýlik boıǵy kezekshilikti jalǵastyrý týraly tapsyrma berdi.
