Qostanaıda ıesiz sómke jurtty ábigerge saldy

QOSTANAI. QazAqparat - Qostanaıda ıesiz jatqan sómke jurtty ábigerge saldy, dep habarlaıdy QazAqparat kstnews.kz saıtyna silteme jasap.

Búgin saǵat 15:45-te Skladskaıa kóshesinde kólik qozǵalysy toqtatyldy. Polıtsııa jasaǵy mashınalar men avtobýstardy keri qaıtaryp turdy.

Sanaýly mınýttan soń oqıǵa ornyna jedel járdem kóligi, jarylǵysh izdeıtin saperler men basqa da arnaıy bólimshe qyzmetkerleri kelip jetti.

Keıin túsinikteme bergen oblystyq ІІD baspasóz hatshysy Irına Bejenar oqıǵaǵa qaraýsyz qalǵan sómkeniń sebepshi bolǵanyn aıtty.

Buǵan deıin 1 tamyzda HQKO mańynda Táýelsizdik kóshesi jabylǵan bolatyn. Sol mańnan tabylǵan pakettiń ishinen smartfon qýattaǵysh symdary shyqty.