QOSTANAI. QazAqparat – Qostanaı oblysynyń 2020-2020 jyldarǵa arnalǵan bıýdjetine ózgerister endi. Bul oblystyq máslıhattyq kezekten tys sessııasynda aıtyldy, dep habarlaıdy QazAqparat.
Ekonomıka jáne bıýdjettik josparlaý basqarmasynyń basshysy Gúlbaram Musaǵazınanyń sózinshe, oblystyq bıýdjet memlekettik satyp alý jáne qarjyny ońtaılandyrýǵa baılanysty qaıta qaralyp otyr. Byltyrǵy bıýdjetten únemdelgen qarajat áleýmettik nysandardyń jóndelýi men memlekettik baǵdarlamalardyń oryndalýyna baǵyttalady. «Osy jyly «Aýyl – el besigi» baǵdarlamasy sheńberinde 27 jobanyń smetalyq qujattamasyn ázirleýge 189,6 mln teńge jumsalady. Naqty jobalar respýblıkalyq bıýdjetten beriletin transfertter esebinen júzege asady. Jolaýshylar kóligi jáne avtomobıl joldary basqarmasyna 867,4 mln teńge beriledi. Bilim basqarmasynyń jobalaryna 566 mln teńge qarastyrylǵan. Onyń ishinde 434,5 mln teńge oblys mektepteriniń qajettilikterine jumsalady. Amangeldi, Áýlıekól, Jangeldın, Qarabalyq, Qarasý, Qostanaı, Sarykól, Fedorov aýdandary men Qostanaı qalasynyń mektepterine 151 myńnan astam oqýlyq satyp alynady», - deıdi Gúlbaram Musaǵazına. Budan bólek, Energetıka jáne turǵyn úı-kommýnaldyq sharýashylyq basqarmasyna 361,7 mln teńge, Qurylys, sáýlet jáne qala qurylysy basqarmasyna 298,1 mln teńge baǵyttalady. Polıtsııa departamentine 20 mln teńgege jeke qorǵanys quraldaryn satyp alý da osy jyldyń josparyna engizilgen.
