Qostanaı oblysynda orman órtenip jatyr
ASTANA. 16 shilde. QazAqparat - 2012 jyldyń 16 shildesinde Qostanaı oblysynyń Prıgorodnyı orman sharýashylyǵy mekemesiniń Qostanaı ormanshylyǵynda 30 ga alqapta orman órti shyqty. Bul týraly QR AShM-niń baspasóz qyzmetinen habarlandy.
Qatty jel men aýa temperatýrasynyń joǵary bolýy orman órtiniń tez taralýyna ákelip soǵyp, ony sóndirýde qıyndyqtar týdyrýda.
Qazirgi kezde órtti tolyq aýyzdyqtaý jóninde sharalar qoldanylyp jatyr. Orman órtiniń shyǵý sebebi anyqtalýda.
Orman órti faktisi týraly Qostanaı oblystyq TJD habarlandy.
Órtti sóndirýge Basaman, Prıgorodnyı jáne Semıozernyı orman mekemeleriniń memlekettik orman kúzetiniń qyzmetkerleri, Qostanaı qalasynyń órtke qarsy memlekettik qyzmet oryndary, sondaı-aq jergilikti turǵyndar qatysýda. Tilsiz jaýmen kúreske barlyǵy 70 adam, 16 órt sóndirý mashınasy, 3 traktor men «Qazavıaormanqorǵaý» RMQK-nyń tikushaǵy jumyldyryldy.
