Qostanaı oblysynda sońǵy úsh jylda alǵash ret úshem dúnıege keldi
QOSTANAI. KAZINFORM — Qostanaı oblystyq aýrýhanasynyń perınataldyq ortalyǵynda úshem dúnıege keldi. Bul oblysta sońǵy úsh jylda tuńǵysh ret dúnıege kelgen úshem.
Jańa týǵan nárestelerdiń anasy — 31 jasta. Qostanaı aýdanynyń Sharapıevter shańyraǵy úsh ul tárbıelep otyr, endi otbasynda birden úsh qyz dúnıege keldi.
Eki qyzdyń salmaǵy — 2600 gramm, úshinshisi 2300 gramm boldy. Jańa týǵan nárestelerdiń boıy — 49 santımetr. Oblystyq aýrýhana dárigerleriniń málimetinshe, ana men balalardyń jaǵdaıy qanaǵattanarlyq dep baǵalandy.
2025 jyldyń qazan aıynda 23 jastaǵy qyzylordalyq dúnıege úshem ákeldi. Osy aıda Túrkistan oblysynda da úshem dúnıege keldi. Mundaı qýanyshty jańalyq Shalqar qalasyndaǵy Laıyqovtar otbasynda da oryn aldy. Al bir aı dárigerlerdiń jiti baqylaýynda bolǵan shymkenttik úshem Jańa jyldan keıin úıine shyǵaryldy.