Qostanaı oblysynda esirtki zerthanasy joıyldy — UQK
ASTANA. KAZINFORM — Arnaıy operatsııa barysynda qazaqstannyń eki azamaty ustalyp, sot sanktsııasymen qamaýǵa alyndy, dep habarlady UQK.
Bıylǵy jyldyń 15 jeltoqsanda UQK Qostanaı oblysy boıynsha departamenti prokýratýranyń úılestirýimen sıntetıkalyq esirtki óndiretin jasyryn zerthana áreketiniń jolyn kesti.
Psıhotroptyq zattardy daıyndaý kezinde qazaqstannyń eki azamaty ustalyp, sot sanktsııasymen qamaýǵa alyndy.
— Tintý barysynda 2 kg-ǵa jýyq daıyn «mefedron» psıhotroptyq zaty, sondaı-aq zerthanalyq jabdyqtar men esirtki daıyndaýǵa arnalǵan prekýrsorlar tárkilendi. Qylmystyq kodekstiń 297-babynyń 3-bóliginde kózdelgen qylmys belgileri boıynsha sotqa deıingi tergep-tekserý júrgizilýde. Qylmystyq-protsestik kodekstiń 201-babynyń 1-bóligine sáıkes ózge aqparat jarııa etilmeıdi, — dedi UQK baspasóz qyzmeti.
Buǵan deıin UQK túrmedegi adam terrorlyq akt jasaýǵa daıyndalǵanyn habarlaǵan bolatyn.