Qosshynyń burynǵy ákimi jańa qyzmetke taǵaıyndaldy

ASTANA.  KAZINFORM - Aqmola oblysy ákiminiń  ókimimen Stepnogor qalasynyń ákimi bolyp Gaıdar Qasenov taǵaıyndaldy. Bul týraly Aqmola oblysynyń ákimdigi habarlady.

Stepnogor qalasynyń jańa ákimin oblys ákiminiń orynbasary Eldos Ramazanov qala aktıvine tanystyrdy. Oblys ákiminiń birinshi orynbasary burynǵy ákim Alpysbaı Qaıyrjanovqa alǵysyn bildirip, jańa ákimge sáttilik tiledi.

Memleket basshysynyń tapsyrmasy boıynsha Gaıdar Qasenovke qalany damytý jáne turǵyndarǵa qolaıly jaǵdaı jasaý boıynsha birqatar mindetter júkteldi.

«Búgingi kúni jylytý maýsymynda qala ákimi úshin eń basty mindet – halyqty jáne áleýmettik nysandardy jylýmen úzdiksiz jáne turaqty qamtamasyz etý. Sondaı-aq, sýmen jabdyqtaý nysandarynyń jumysyn aıaqtaý jáne olardy ýaqytynda iske qosý erekshe baqylaýda bolýy qajet», - dep atap ótti E.Ramazanov.

Sonymen qatar, Stepnogor qalasynyń ákimdigine ınvestıtsııa tartý, jańa jumys oryndaryn qurý, kásipkerlikti damytý jáne turǵyn úı qurylysy boıynsha naqty jumystar júrgizý tapsyryldy.

Eske salsaq, Qosshy qalasyna jańa ákim taǵaıyndalǵany týraly habarlaǵan bolatynbyz.