Qosshydaǵy sý tasqyny baqylanatyn rejımge ótti
KÓKShETAÝ. KAZINFORM - Qosshydaǵy sý tasqyny baqylanatyn rejımge ótti. Taıtóbe aýylynda sý tasqynyna qarsy topyraqtan turǵyzylǵan jasandy bógetti nyǵaıtý jumystary aıaqtalýda.
Jergilikti atqarýshy organdar men halyqtyń kúshimen bıylǵy jyly qoldanystaǵy 2400 metr bóget 1200 metrge uzartylyp, 2,5 metrge bıiktetildi.
Aqmola oblysy ákimdiginiń málimetinshe, jumys eki aýysymda júrgizildi. Oǵan Astanadan kelgen 30-ǵa jýyq arnaıy tehnıka tartyldy. Jedel shtab Qosshy qalasy men Taıtóbe aýylyndaǵy sý tasqyny jaǵdaıyna monıtorıng jasady. Qazirgi ýaqytta Nura ózeniniń jaǵasy boıynsha sý massalarynyń josparly aǵýy júrip jatyr.
Aqmola oblysynyń ákimi Marat Ahmetjanov Taıtóbe aýylynda júrgizilip jatqan jumystardy qarap shyqty.
«Bosańsýǵa áli erte. Negizgi sý aǵyny Nura ózeni arqyly ótkenine qaramastan, sý tasqynynyń qaýpi áli seıilgen joq», - dep atap ótti óńir basshysy.
Jalpy, Qosshy qalasynda sý tasqynyna qarsy sharalarǵa barlyǵy 300 adam tartyldy.
Aıta ketsek, budan buryn Atbasarda Jabaı ózenindegi sý qaýipti deńgeıden asyp ketkendigin jazǵan edik.
