Qosshyda mektep muǵalimderi tóbelesti
ASTANA. KAZINFORM — Qosshylyq eki muǵalim mektepte tóbelesken, qazir isti polıtsııa qarap jatyr.
Buǵan deıin BAQ-ta taraǵan aqparatqa súıensek, qos ustaz arasyndaǵy tóbeles sáýirde bolǵan, biraq polıtsııaǵa aryz 22 mamyrda túsken. Aıta keterligi, ekeýi de polıtsııaǵa shaǵymdanǵan.
— 2025 jylǵy 1 sáýirde Qosshy qalasynyń turǵyndary arasynda bolǵan janjal faktisi boıynsha Qylmystyq kodekstiń 109-1-baby 1-bóligi (soqqy berý) boıynsha qylmystyq is qozǵaldy. Qazir tıisti tergeý áreketteri júrgizilip jatyr, onyń nátıjesi boıynsha túpkilikti sheshim qabyldanady, — degen habar aldyq Aqmola oblystyq polıtsııa departamentiniń baspasóz qyzmetinen.
Osy aıda Mańǵystaýda mektep oqýshylary tóbelesip, bir bala aýrýhanaǵa túskeni týraly jazǵan edik.
Sondaı-aq Almatydaǵy saýda ortalyqtardyń birinde mektep oqýshylary tóbelesti.