Qosshyda qoqysqa tólenetin tarıf arzandady
ASTANA. KAZINFORM – Osy ýaqytqa deıin Qosshy qalasynyń turǵyndary qatty turmystyq qaldyqtardy (QTQ) shyǵarýǵa 532 teńgeden, zańdy tulǵalar 575 teńgeden tólep kelgen. Bul týraly oblystyq prokýratýranyń baspasóz qyzmeti málim etti.
Prokýrorlar Aqmola oblysynyń Qosshy qalasynda qatty turmystyq qaldyqtardy (QTQ) shyǵarýǵa tólenetin tarıftiń tómendeýine qol jetkizdi. Qosshy qalasy jáne oǵan irgeles aýmaq qaldyqtardy tógý úshin ruqsat berilmeıtin aımaqtarǵa, ıaǵnı Astananyń halyqaralyq áýejaıynan 30 shaqyrymda ornalasqan aımaqtarǵa kiredi. Osyǵan baılanysty qala mańynda QTQ-ny suryptaýǵa jáne kómýge tyıym salynǵan.
Óz kezeginde merdiger uıym QTQ-ny Qosshy qalasynan 50 shaqyrymnan astam qashyqtyqta ornalasqan Astana qalasynyń polıgonyna tasymaldaǵan. Bul rette QTQ-ny Astana qalasynyń polıgonyna deıin tasymaldaý men olardy ótkizý shyǵyndarynyń ornyna QTQ-ny suryptaý men kómýge arnalǵan shyǵyndar tarıfke negizsiz engizilgen.
— Sol sebepten, Qosshy qalasy prokýratýrasynyń qadaǵalaý aktisi boıynsha shyǵyndardy qaıta esepteý júrgizilip, nátıjesinde jeke (532 teńgeden 482 teńgege deıin) jáne zańdy (575 teńgeden 527 teńgege deıin) tulǵalar úshin ortasha ólshengen tarıf quny 50 teńgege tómendedi, — delingen habarlamada.
Jalpy qabyldanǵan sharalardyń nátıjesinde 37 myń tutynýshy (onyń ishinde 200 bıznes sýbektileri) úshin bir jyldyq únem 22,2 mln teńgeni qurady.
Buǵan deıin Marat Ahmetjanov Qosshy qalasy úleskerleriniń problemasyn sheshýge ýáde berdi.