Koronavırýs: Jıi qoıylatyn suraqtar
NUR-SULTAN. QazAqparat - iKOMEK qalalyq ortalyǵy Nur-Sultan qalasynyń turǵyndary men qonaqtaryna koronavırýstyq ınfektsııa (COVID-19) sımptomdary men ol anyqtalǵan jaǵdaıdaǵy is-qımyl tártibi týraly 1-0-9 qysqa nómiri arqyly 24/7 boıy konsýltatsııa beredi, dep habarlaıdy QazAqparat qala ákiminiń resmı saıtyna silteme jasap.
Tótenshe jaǵdaı men karantınniń engizilýine baılanysty iKOMEK qalalyq ortalyǵy kúsheıtilgen jumys tártibine ótip, iKOMEK109 biryńǵaı baılanys ortalyǵy operatorlarynyń jelisi 53 operatorǵa deıin ulǵaıdy, kezek keńeıtilip, qatarynan 120 kiris qońyraýǵa deıin qabyldaı alady.
«Ótken táýlikte iKOMEK109-ǵa 8 000-nan astam ótinish kelip tústi, onyń 4 000 koronavırýstyq ınfektsııaǵa qatysty. 13 naýryz ben 20 naýryz aralyǵynda koronavırýs boıynsha 10 000-ǵa jýyq ótinish tirkeldi. Turǵyndardy alańdatqan máselelerdi taldaý negizinde biz jıi qoıylatyn suraqtarǵa jaýaptar ázirledik», - deıdi iKOMEK qalalyq ortalyǵynyń basshysy Jannat Dúbirova.
Qosymsha, Nur-Sultan qalasynyń turǵyndary barlyq máseleler boıynsha iKOMEK109-ǵa kelesi servısterdiń kómegimen júgine alady:
- Ákimdiktiń resmı saıty astana.gov.kz
- iKOMEK109 mobıldi qosymshasy (PlayMarket/AppStore);
- Telegram chat-boty (t.me/nursultanikomek109_bot);
- Smart Astana mobıldi qosymshasy (PlayMarket/AppStore);
- Aitu.city portaly.
