Koronavırýs genomy Qazaqstanda zertteledi
«Bizde koronavırýs ınfektsııasynyń alǵashqy jaǵdaıy men olardyń baılanystaryn zertteý júrgiziledi. Bul - Dúnıejúzilik densaýlyq saqtaý uıymynyń jobasy. Ol bizge vırýs shtammyn, sonymen qatar halyq arasynda vırýstyń taralý barysyn, qalaı taralǵanyn, qandaı faktorlar yqpal etkenin zerdeleýge múmkindik beredi. Joǵary oqý oryndary mamandary jáne ǵalymdary zerdelegennen keıingi nátıjeni 1-2 aıdyń ishinde Densaýlyq saqtaý mınıstrligine tabystaımyz», - dedi Serjan Aıdosov «Densaýlyq saqtaý mınıstrligi habarlaıdy» baǵdarlamasy barysynda.
Sonymen qatar ol «Yntymaqtastyq» dep atalatyn jahandyq joba aıasynda 4 preparat zertteletinin jáne onyń úsheýi elimizde tirkelgenin atap ótti.
«Biz 90 eldiń qatarynda osy jobaǵa qatysýǵa nıet tanytqan edik. Qazirgi ýaqytta joba 10 elde bastalyp ketti. Bizdegi jaǵdaı qandaı? Biz Bıoádep ortalyq komıssııasynan óttik. Komıssııa músheleri jobany bekitti. Qazirgi ýaqytta Ulttyq saraptama ortalyǵynyń baǵasyn alyp jatyrmyz. Óte kóp qujat qajet, tolyq tizimi shamamen 300-500 bet bolady. Biz osy qujattardy jınap, dáleldegennen keıin bastaımyz dep oılaımyn», - dedi ol.
Sonymen qatar ol Qoǵamdyq densaýlyq saqtaý ulttyq ortalyǵy vırýs genomyn zerdeleýge nıet tanytyp otyrǵanyn aıtty.
«Kelesi joba aıasynda vırýs genomyn, sondaı-aq koronavırýs juqtyrǵan patsıentterdiń genomyn zerdelemekpiz. Mundaı genetıkalyq zertteýdi bizdiń zerthana Nazarbaev ýnıversıtetimen birge júrgizedi», - dedi S.Aıdosov.
