Qorǵastaǵy áýejaı kimniń esebinen salynady
ASTANA. KAZINFORM — «Qorǵas» shekaramańy yntymaqtastyq halyqaralyq ortalyǵynda áýejaı salynady. Tolyǵyraq Kólik mınıstriniń orynbasary Maqsat Qalıaqparov aıtyp berdi.
— Áýejaı qurylysy tolyqtaı jeke ınvestordyń esebinen júzege asyrylady. Qarjyny Skyhanza kompanııasy quıady. Búginde jobalyq qujattardy ázirleý jáne jer ýchaskelerin resimdeý jumystary júrip jatyr. Barlyq tıisti qujattardy ázirlegennen keıin aldymen bizden, sodan soń memlekettik saraptamadan ótedi, — dedi Maqsat Qalıaqparov elordada ótken «Kólik jáne logıstıka naryǵy» VI halyqaralyq konferentsııasy jáne GLOBAL Avia DAY áýe tasymaldaryn damytý jónindegi I halyqaralyq forýmy barysynda BAQ ókilderiniń saýalyna jaýap bere turyp.
Sondaı-aq, vıtse-mınıstr áýejaı ýaqtyly paıdalanýǵa beriletinin aıtyp sendirdi.
Aıta keteıik, bıyl maýsymda jekeniń qolynda ketken Qorǵastyń termınaly memleketke qaıtaryldy.
Eske salsaq, Qorǵasta 27 shildeden bastap bagajdy tasymaldaý quny ózgerdi.