Qor naryǵynda dollar taǵy qymbattady

ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha 1 dollardyń teńgege shaqqandaǵy baǵamy sál ósti.

Kúndizgi saýda-sattyq qorytyndysy boıynsha 1 AQSh dollarynyń ortasha baǵamy 525,87 teńgege jetip, 1,5 teńgege kóterildi. Ulttyq bank 15 shildege resmı dollar baǵamyn 524,24 teńge deńgeıinde bekitti.

Kurs.kz málimetinshe, Almatydaǵy aqsha aıyrbastaý pýnktterinde dollardy satyp alý baǵasy – 525,59 teńge, al satý baǵasy – 527,56 teńge. Eýro 612,04–616,33 teńge aralyǵynda saýdalansa, rýbl – 6,60–6,71 teńge kóleminde satylady jáne satyp alynady.

Astanada AQSh valıýtasy 522,62 teńgege satyp alynady jáne 528,62 teńgeden satylady. Eýrony satyp alý baǵasy – 608 teńge, satý – 615,58 teńge. Rýbl baǵamy 6,59 - 6,75 teńge aralyǵynda turaqtaǵan.

14 shilde kúndizgi saýda qorytyndysy boıynsha dollardyń ortasha ólshengen baǵamy 524,24 teńge bolyp, 2,93 teńgege ósken edi.

Eske salaıyq, qazaqstandyqtar zeınetaqy qorynan 449,9 mlrd teńge jınaǵyn sheship alǵan.