Konstıtýtsııalyq qundylyqtardan jańa etıkaǵa deıin – Erlan Karın ishki saıasattyń basty mindetterin atady
ASTANA. KAZINFORM – Vıtse-Prezıdent Erlan Qarınniń tóraǵalyǵymen ótken Ideologııalyq keńestiń otyrysynda ishki saıasat salasyndaǵy basym mindetter qaraldy. Jıynǵa Prezıdent Ákimshiliginiń qurylymdyq bólimsheleri jáne beıindi ortalyq memlekettik organdardyń basshylary qatysty, dep jazdy Aqorda.
Mindetterdiń birinshi blogy konstıtýtsııalyq qundylyqtardy júıeli túrde ilgeriletý máselelerine arnaldy. Erlan Qarın Ata zańda bekitilgen qundylyq baǵdarlary Prezıdenttiń eldi jan-jaqty jańǵyrtýǵa baǵyttalǵan strategııalyq reformalarynyń tujyrymdamalyq ózegin quraıtynyn atap ótti. Sondyqtan memlekettik saıasat progressıvti konstıtýtsııalyq qaǵıdattardy qoǵamda ornyqtyrýǵa baǵyttalýǵa tıis. Bul, eń aldymen, Zań jáne Tártip ústemdigin qamtamasyz etý, jalpyulttyq birlikti, etnosaralyq jáne konfessııaaralyq kelisimdi nyǵaıtý, mádenıetti, bilimdi, ǵylym men ınnovatsııany damytý, qorshaǵan ortaǵa qamqorlyq jasaý, qoǵamda eńbek kýltin, áleýmettik optımızmdi, jaýapty ári jasampaz patrıotızm ıdeıasyn ornyqtyrýdy qamtıdy.
Erlan Qarın osy baǵyttaǵy memlekettik apparat jumysynyń mazmunyn aıqyndaıtyn negizgi qujattar Memleket basshysynyń tapsyrmasymen qabyldanǵan «Qazaqstan Respýblıkasynyń ishki saıasatynyń negizgi qaǵıdattaryn, qundylyqtary men baǵyttaryn bekitý týraly» Prezıdent Jarlyǵy jáne Qazaqstan Respýblıkasynyń Konstıtýtsııasyn ilgeriletý jónindegi is-sharalar jospary ekenin jetkizdi.
Mindetterdiń ekinshi blogy jańa qoǵamdyq etıkany qalyptastyrý máselelerine qatysty boldy. Erlan Qarın bul ıdeologııalyq jumysta qoǵamdyq oryndardaǵy minez-qulyq mádenıetine deıingi ómirdiń barlyq salasyn qamtıtyn mańyzdy basymdyq ekenin málimdedi. Bógde qundylyqtar men minez-qulyq normalaryn tańýǵa, qoǵamdyq ómirdi eskilikke burýǵa, tarıhty mıfke aınaldyrýǵa baǵyttalǵan áreketterge keshendi túrde qarsy turý jeke mindet retinde belgilendi.
Osy oraıda, Erlan Qarın «Zań jáne tártip» qaǵıdatyn, «Taza Qazaqstan» jobasyn jáne «Adal azamat» tárbıe baǵdarlamasyn dáıekti júzege asyrýdyń mańyzyna toqtaldy. Sonymen qatar Prezıdenttiń «Taza Qazaqstan» bastamasyn keń aýqymda iske asyrýdyń jańa tásilderin ázirleý qajettigi aıtyldy. ıAǵnı biryńǵaı tsıfrlyq platforma qurý, óńirlerdiń reıtıngin jasaý, tazalyqtyń ulttyq standartyn engizý jáne Qazaqstandy kógaldandyrýdyń onlaın-kartasyn qalyptastyrý usynyldy.
Mindetterdiń úshinshi blogy ishki saıasat salasyndaǵy barlyq strategııalyq qujattardy, atap aıtqanda, «Qazaqstan balalary» tujyrymdamasyn, Din salasyndaǵy memlekettik saıasatty damytý tujyrymdamasyn, Memlekettik jastar saıasaty tujyrymdamasyn jáne Jastardy áskerı-patrıottyq tárbıeleý tujyrymdamasyn sapaly oryndaý máselelerine arnaldy.
Sonymen qatar Vıtse-Prezıdent Memleket basshysy bastamashylyq etken ózge de baǵdarlamalyq qujattardy, onyń ishinde «Oqıtyn ult» tujyrymdamasyn jáne Etnosaralyq qatynastar men qoǵamdyq kelisimdi damytýdyń jańa tujyrymdamasyn ýaqtyly ázirleý ózekti ekenine nazar aýdardy.
Jalpy, Erlan Qarın Memleket basshysynyń strategııalyq reformalar baǵytyn jáne Ádiletti Qazaqstandy qurý jónindegi aýqymdy jumysty sapaly aqparattyq-ıdeologııalyq turǵydan súıemeldeýdiń mańyzyn atap ótti. Onyń aıtýynsha, barlyq jalpyulttyq jobalar men bastamalar eldi jappaı jańǵyrtýdyń tutas júıesine kiriktirilýge tıis.
Jıyn sońynda Vıtse-Prezıdent memlekettik organdardyń ishki saıası jumysynda baqylaýdy, júıeli tásildi jáne jalpy úılestirýdi qamtamasyz etý qajettigin taǵy da eske saldy.
– Іshki saıasat salasyndaǵy júıeleý jumysyn jalǵastyrý qajet – biryńǵaı talaptardy, naqty reglamentter men rásimderdi bekitý kerek. Qarqyndy báseńdetýge nemese qol jetkizgen nátıjelermen toqtap qalýǵa bolmaıdy, únemi alǵa umtylý qajet. Bizdiń ortaq mindetimiz – azamattardyń suranysyna tıimdi jaýap berý, jasampaz kún tártibi men jańa konstıtýtsııalyq qundylyqtardy ilgeriletý, Prezıdent bastamalarynyń sapaly ári tıimdi iske asyrylýyn qamtamasyz etý, – dep túıindedi Erlan Qarın.
Otyrys qorytyndysy boıynsha jaýapty memlekettik organdarǵa ishki saıasat salasyndaǵy jumystyń negizgi baǵyttaryn praktıkalyq turǵyda iske asyrý jóninde tıisti tapsyrmalar berildi.
