Jambyl oblysynda 16 adamdy kene shaqqan

ASTANA. KAZINFORM – Zardap shekkenderdiń barlyǵy baqylaýǵa alynyp, 2 aptalyq karantınge jiberildi.

кене
Фото: gov.kz

Kene maýsymy kún jylynǵannan bastalyp, qarashaǵa deıin sozylady. Olardyń shaǵýy adam densaýlyǵyna qaýipti bolýy múmkin. Kene arqyly taralatyn aýrýlardyń biri – Kongo-qyrym gemorragııalyq qyzbasy. Bul óte qaýipti juqpaly aýrý qarqyndy qan ketýmen sıpattalady jáne ólim deńgeıi joǵary.

- KQGQ vırýsynyń negizgi tasymaldaýshylary – ıksodty keneler, olardan ınfektsııa kene shaqqanda nemese ony ezgende, maldy keneden qorǵalmaǵan qolmen tazartqanda, jún qyrqylǵanda jáne KQGQ bar naýqasty kútý protsesinde juqtyrylady. Tabıǵat aıasynda demalyp júrgende de kongo-qyrym gemorragııalyq qyzbasy vırýsyn juqtyrýyńyz múmkin, - dep baıandady Jambyl oblysy ákimdiginiń sanıtarlyq-epıdemıologııalyq qadaǵalaý basqarmasy basshysynyń orynbasary Neılı Mýlıkova.

Kongo-qyrym gemorragııalyq qyzbasy oshaqtar arqyly taralady, Jambyl oblysynda mundaı 46 núkte eseptelgen: Moıynqum aýdanynda – 13 eldi meken, Talas aýdanynda – 8, Sarysý aýdanynda – 12, Jambyl jáne Baızaq aýdandarynda – 2, Shý aýdanynda – 8 jáne Taraz qalasynda – 1. 

Neılı Mýlıkova atap ótkendeı, 2024 jyly oblysta KQGQ vırýsyna shaldyǵýdyń 2 jaǵdaıy tirkelgen, aǵymdaǵy kezeńde tirkelgen jaǵdaılar bolǵan joq.

- Halyq arasynda aýrýdyń aldyn alý jáne epıdemııalyq maýsymdy boljaý maqsatynda zoologııalyq-parazıtologııalyq top aǵymdaǵy jyldyń naýryz aıynan bastap kóktemgi dalalyq barlaý jumystaryn júrgizip jatyr. Búginde oblysta 11 myńnan astam kene úlgileri jınaldy, 792 synama zertteldi, sonyń ishinde 27 synamadan KQGQ vırýsy anyqtaldy, - dep atap ótti ol.

Ashyq aýada demalý kezinde ózińizdi KQGQ ınfektsııasynan qorǵaý úshin qarapaıym qaýipsizdik erejelerin saqtaý kerek. Tabıǵatta serýendeý kezinde jeńi uzyn ashyq tústi kıimderdi kıip, shalbardy shulyqtyń ishine tyǵyp alý kerk. Janýarlardy jaıý jáne qyrqý aldynda maldy jáne úı-jaılardy kenege qarsy preparattarmen óńdeý kerek. Maldy kútý kezinde qorǵanysh kıimin, qosymsha qolǵap pen qorǵanysh kózildirik kıip, bettiń ashyq jerlerin maskamen jabý qajet. 

Eger siz KQGQ ınfektsııasyna shaldyqqan naýqaspen baılanysta bolsańyz, sizdi shaǵyp alǵan bolsa nemese kene qany deneniń ashyq jerlerine, ásirese shyryshty qabatqa tıip ketse dereý medıtsınalyq uıymnyń kómegine júginý kerek. 

Vırýstyń taralýyn toqtatý jáne ınfektsııanyń aldyn alý úshin keneni múmkindiginshe tez alyp shyǵý kerek. Ony pıntsetpen ustańyz. Tym qatty qyspaı (jándikti ezip almaý úshin), ony baıaý jáne muqııat tartyp alyńyz. Ornyn spırtpen súrtińiz. Alynǵan keneni ydysqa salyp, ony qaqpaqpen myqtap jabyńyz jáne emdeý-aldyn alý mekemesine habarlasyńyz.

Buǵan deıin Túrkistan oblysynda myńnan astam adamdy kene shaqqanyn jazǵan bolatynbyz.

Qyzylordada kene shaqqan 11 adam dáriger kómegine júgindi

Shyǵys Qazaqstan turǵyndaryn da kene shaǵa bastady

Сейчас читают