«Qoljetimdi baspana-2020» baǵdarlamasyna ózgertýler engizildi
Qabyldanǵan qujatqa sáıkes, baǵdarlamaǵa qatysýshylardyń tizimi 3 top boıynsha túziletin bolady. Sonymen birinshi topqa jergilikti atqarýshy organdarda kezekte turǵandar (jetim balalar, halyqtyń áleýmettik az qamtylǵan toby, memlekettik qyzmetshiler, bıýdjettik uıymdardyń jumysshylary jáne t.b.) kiredi. Ekinshi topqa barlyq sanattaǵy tulǵalar jatady. Al sońǵy top «Jastar saıasaty týraly» QR Zańyna sáıkes barlyq jas otbasylaryn qamtıdy. Máselen, jergilikti atqarýshy organdarda kezekte turǵandar baǵdarlamanyń «halyqtyń barlyq sanatyna arnalǵan baspana», «Qazaqstannyń ıpotekalyq komanııasy» AQ baspanasy, «Samuryq-Qazyna» jyljymaıtyn múlik qory» AQ baspanasy baǵyttaryna qatysa alady. Atalǵan top qatysýshylarynan baǵdarlamaǵa qujattardy qabyldaý jergilikti atqarýshy organdar arqyly júzege asyrylatyn bolady. Sonymen birge jergilikti atqarýshy bılik arqyly baǵdarlamaǵa qatysýshylardyń 2-shi tobynan da «Qazaqstannyń ıpotekalyq komanııasy» AQ baspanasyna qujat qabyldaý júzege asyrylady. Jas otbasylar da jergilikti bılikke qujat ótkizedi. Al Qazaqstannyń turǵyn úı-qurylys jınaq banki 2-shi top qatysýshylarynan «barlyq sanatqa arnalǵan baspana» baǵyty boıynsha qujat qabyldaıdy. Qaýlymen 2-shi jáne 3-shi topqa jatatyn baǵdarlama qatysýshylaryna ortaq talap birizdendirildi. Máselen, atalǵan qatysýshylarǵa negizgi krıterııler: QR azamattyǵy nemese oralman mártebesi, Qazaqstanda menshik quqyǵy bar baspanasynyń bolmaýy, 5 jyldyń ishinde múlkin qasaqana ıeliginen shyǵarý faktisiniń bolmaýy, tólem qabilettiligin qýattaý, sońǵy 2 jyl boıy Astana men Almaty qalalarynda tirkeýde («Qazaqstannyń ıpotekalyq kompanııasy» IK» AQ jáne Qazaqstannyń turǵyn úı-qurylys jınaq banki jelisi boıynsha atalǵan qalalarda baspana alýdan úmtikerlerge) bolýy. Mańyzdy túzetýlerdiń biri - birinshi kezekte jekemenshik jyljymaıtyn múlki joq azamattardy baspanamen qamtamasyz etý.
