Kókshetaýdyń eki aıdaǵy óndiris kólemi 8,9 mlrd. teńgeni qurady - qala ákimi
AQMOLA OBLYSY. QazAqparat - Bıylǵy jyldyń alǵashqy eki aıynda Kókshetaý qalasyndaǵy ónerkásiptik óndiris kólemi 8,9 mlrd. teńgeni qurady. Bul kórsetkish oblystaǵy óndiristiń 20 paıyzyn quraıdy. Bul týraly Kókshetaý qalasynyń ákimi Jarqyn Jumaǵulov BAQ ókilderiniń qatysýymen ótken qalanyń 2013 jylǵy áleýmettik- ekonomıkalyq damýynyń qorytyndysy men aldaǵy josparlary jónindegi baspasóz máslıhatynda málim etti.
J.Jumaǵulovtyń aıtýynsha, óndiris kóleminiń artýy negizinen qaladaǵy iri kásiporyndardyń óńdeý kóleminiń artýymen baılanysty. Bul salada negizinen mashınaqurylysy (18 paıyz), sýsyn (24 paıyz), azyq-túlik óndirisi (24 paıyz) qurap otyr. Ónerkásiptik kásiporyndarynyń básekelestigin jáne tımdiligin arttyrý ınvestıtsııasalyq jobalardy júzege asyrýǵa múmkindik beredi.
Qazirdiń ózinde Indýstrııalandyrý kartasy aıasynda qala boıynsha 3 joba úılestirý keńesiniń otyrysynda qoldaý tapqan. Atap aıtsaq, olar «Regıonstroı» JShS (úı qurylysy), «Agro Trading-2007» JShS (qurama jem zaýytynyń qurylysy), «Kókshetaý joldary» JShS( jınalmaly- monolıtti konstrýktsııalar qurylysy).
