Kókshetaýdyń avtobýs aıaldamalarynda pandýstar tapshy
«Shans» múgedekterdi ońaltý ortalyǵynyń basshysy Vasılıı Shımanskııdiń aıtýynsha, búgingi tańda avtobýs aıaldamalaryna arbamen minýge qajetti pandýstardyń tapshylyǵy týyndap otyr.
«Osy jyly múmkindikteri shekteýli azamattar úshin barlyq jaǵdaıy qarastyrylǵan jańa avtobýstar satyp alyndy. Múgedekter qalanyń kez-kelgen bóliginde qoǵamdyq kólikti paıdalana alady. Bul árıne óte qýantady, sebebi biz sııaqty adamdardy tasý qyzmetin kórsetetin «Invataksı» uıymy barlyq múgedekterge qyzmet kórsetip úlgermeıdi. Biraq, osy avtobýstardy tolyqqandy dárejede qoldaný úshin belgili bir qosymsha jaǵdaılar jasalýy tıis. Másele osyǵan beıimdelip úlgermegen avtobýs aıaldamalary jóninde. Olardyń kópshiliginde pandýstar joq, múgedekterdi túsirý jáne mingizýge arnalǵan arnaıy alań da joq. ıAǵnı, kólik bar, al ony qoldaný múmkindigi ylǵı týa qoımaıdy» - deıdi Vasılıı Shımanskıı.
Jeke bıznes nysandaryna qatysty da kóptegen kemshilikter bar. Ádette pandýstar qoldaný úshin jaramsyz, belgilengen talaptarǵa saı kelmeıtin, kópshiliginde taıǵanaýǵa qarsy qaptamalary joq, ustalynatyn jerleri qurylys normalaryna saı kelmeıdi.
Departament qyzmetkerleri jobalyq keńse ókilderimen birlesip, atalǵan nysandarǵa tekseris júrgizip, múmkindikteri shekteýli adamdar úshin qajetti jaǵdaılardyń jasalmaǵanyna kóz jetkizdi.
«Jobalyq keńseniń basshysy Samıra Taıtenova aldaǵy ýaqytta ýákiletti memlekettik organdardyń ókilderin, múmkindikteri shekteýli azamattardy shaqyrýmen úsh jaqty kezdesý ótkizilip, osy máselelerdiń túbegeıli sheshilýi boıynsha tıisti áreketter jospary qabyldanatynyn atap ótti», deıdi Aqmola oblysy boıynsha jemqorlyqqa qarsy is-qımyl departamentiniń baspasóz qyzmetindegiler.
