Kókshetaýda mereke kúnderi 33 jasar adam pyshaq jaraqatynan kóz jumdy
KÓKShETAÝ. QazAqparat - Kókshetaý qalasynda merekelik demalys kúnderi kókbaýyr tusyna salynǵan pyshaq jaraqatynan bir adam kóz jumdy. Bul týraly quqyq qorǵaý organdarynyń qyzmetkerleri málim etti.
Qaıǵyly oqıǵa oblys ortalyǵynyń Vasılkovka shaǵyn aýdanynda oryn alǵan. Quqyq qorǵaý organdaryna qalalyq aýrýhanadan kezekshi medbıkelerdiń biri 1981 jylǵy azamattyń pyshaq jaraqatymen jetkizilip, keıin kóz jumǵany jóninde habarlaǵan.
Nátıjesinde, polıtseılermen jedel izdestirý barysynda 1982 jylǵy oblys ortalyǵynyń turǵyny ustalynyp, qylmysyn moıyndaıdy. Sondaı-aq, onyń osyǵan deıin de ıaǵnı, 2006, 2007 jáne 2009 jyldary urlyq jasaǵany úshin sottalǵany anyqtaldy.
Qazir ustalynǵan azamat tergeý ızolıatoryna toǵytylyp, ústinen QR Qylmystyq kodeksiniń 103-babynyń 3-bólimi (densaýlyǵyna zııan keltirip, ólimge ákelip soqqan qasaqana qylmys jasaýshylyq) boıynsha qylmystyq is qozǵaldy.
