Kókshetaýda balabaqsha mańyndaǵy apatty jaǵdaıda turǵan kópir qulady
KÓKShETAÝ. KAZINFORM – Kókshetaý qalasynda «Aqqý» balabaqshasynyń mańynda Qylshaqty ózeni arqyly ótetin jaıaý júrginshiler kópiri qulady.
Qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń málimetinshe, 26 naýryz kúni tozyǵy jetkendikten Qylshaqty ózeni ústinen salynǵan jaıaý júrginshiler kópiri opyrylǵan.
Vedomstvonyń habarlaýynsha, atalǵan kópir 2022 jyly «Expert Group» JShS jasaǵan tehnıkalyq qorytyndyǵa sáıkes apatty dep tanylǵan.
Sońǵy ýaqytta kópirdiń jaǵdaıy óte nashar bolǵan, ótken jyly onyń aınalasy qorshalǵan.
Kókshetaý qalasy ákiminiń orynbasary Aqjol Qylyshbaevtyń aıtýynsha, qazirgi ýaqytta oqıǵa ornynda eski jylý qubyrlary bólshektelip, elektr jelilerin ajyratý jáne aýmaqty qorshaý jumystary júrgizilip jatyr. Aldaǵy kúnderi kópir tolyqtaı buzylady.
Qala ákimdigi turǵyndardyń qolaılyǵy úshin osy jerde jańa kópir salý máselesin qarastyratynyn málimdedi.
Eske sala keteıik, buǵan deıin Óskemende qulaǵan Shnaıder kópiri jańa kópir salý aldynda bólshektelip jatqany habarlanǵan bolatyn.