Kókshetaýda 1500 oqýshy bir mezette «Bes asyq» oınady
ASTANA. KAZINFORM — Kókshetaý qalasynda 27 mekteptiń 1500 oqýshysy bir mezette «Bes asyq» ulttyq oıynyna qatysty, dep habarlaıdy Oqý-aǵartý mınıstrliginiń baspasóz qyzmeti.
Іs-shara Naýryznama aıasynda ótip, el kólemindegi osyndaı formattaǵy aýqymdy bastamalardyń birine aınaldy. Sondaı-aq, ol bilim berý júıesinde ulttyq qundylyqtardy ilgeriletý jáne tárbıe jumysynyń mazmunyn kúsheıtý baǵytyndaǵy júıeli jumystyń bir bóligi sanalady.
Aqmola oblysynda ulttyq sport túrlerin damytý júıeli túrde júzege asyrylyp jatyr.
— Búginde mektepterde 419 sektsııa jumys isteıdi, onda oqýshylar dástúrli oıyndarmen turaqty aınalysady. Ulttyq oıyndardy qamtıtyn tárbıelik sharalardy uıymdastyrý ulttyq biregeılikti nyǵaıtýdyń tıimdi quraly, — delingen habarlamada.
Osyǵan deıin aýyl muǵalimi 1500-den astam asyqtan torsyq jasap shyqqanyn jazǵanbyz.