Kimderge oraza ustamaýǵa ruqsat etilgen
ALMATY. KAZINFORM – Naýryzdyń 11-i kúni musylman qaýymy asyǵa kútetin qasıetti Ramazan aıy bastalady. Óńirlik kommýnıkatsııalar qyzmetinde ótken baspasóz máslıhaty barysynda Qazaqstan musylmandary dinı basqarmasynyń Naıb múftıi Kenjáli Qońyratbaıuly kimderge oraza ustamaýǵa ruqsat etilgenin aıtty.
Spıker musylmandar úshin qasıetti Ramazan aıynda oraza ustaýdan saıahatshylar, psıhıkalyq aýytqýshylyǵy bar naýqastar, qarttar, aýrýdan zardap shegetin adamdar, júktilik jáne laktatsııa kezeńindegi áıelder bosatylatynyn atap ótti.
«Adamdar egde jastaǵy nemese aýyr aýrýǵa baılanysty oraza ustaýdan bosatylady. Bul jaǵdaıda tólem túrinde óteý qarastyrylǵan - pidııa, onyń mólsheri bıyl 3 400 teńge. Osy mólsherde pidııaǵa aqy tóleý múmkindigi bolmaǵan jaǵdaıda, qaıyrymdylyq kólemimen de berýge bolady», - dep túsindirdi naıb múftı.
Esterińizge sala keteıik, Qazaqstan musylmandary dinı basqarmasy 2024 jyldy «Islam jáne dástúr qundylyqtary» dep jarııalady. Tıisinshe, juma ýaǵyzdary jáne túngi duǵalarda aıtylatyn ýaǵyzdardyń taqyryby dástúrli qundylyqtardy nasıhattaýǵa baǵyttalǵan.
