Qyzylordada psıhıkalyq aýytqýy bar adamdar sany artty
QYZYLORDA. KAZINFORM – Bıyl 3 aıda Qyzylorda oblysynda aqyl-esinde aýytqýy bar adamdar sany ótken jylǵydan 7,8%-ǵa kóbeıgen.
Oblystyq psıhıkalyq densaýlyq ortalyǵynyń málimetine súıensek, dıspanserlik esepte turǵandardyń 56,9% – er adamdar, 43,1% – áıel adamdar, 13,8% – balalar.
Dıagnozy boıynsha jiktesek, organıkalyq psıhıkalyq aqaýlar, aqyl-estiń kemistigi men psıhologııalyq damýdyń tejelýi jıi kezdesedi.
Mamandar psıhıkanyń buzylýyna negizinen depressııa, mazasyzdyq, bıopolıarlyq buzylys jáne esirtki tutyný sııaqty jaǵdaılar ákep soǵatynyn aıtyp otyr.
– Budan adamda óz-ózine qol jumsaý týraly oı paıda bolýy múmkin. Biz balalar men jasóspirimderdi sýıtsıdke ıtermeleıtin sebepterdi anyqtap kórdik. Taldaý nátıjesinde onyń 30%-y fızıkalyq jáne psıhıkalyq zorlyq-zombylyq kesirinen, 29,2%-y ata-anasy túsinistik tanytpaǵannan jáne qoldaý kórsetpegennen, 28,3%-y dostarynyń nemquraıly qarym-qatynasynan bolatynyna kóz jetkizdik. Saýalnamaǵa qatysýshylardyń tórtten birinen astamy, ıaǵnı 27,3%-y kompıýter men ınternetke táýeldilikti basty másele retinde kóredi, – dedi ortalyq dırektory Kenjealy Tileýlıev.
Aqyl-esi buzylǵan adamdardyń ishinde aýrýynan aıyǵýyna baılanysty dıspanserlik baqylaýdan shyǵarylǵany – 2,6%.
Densaýlyq saqtaý mınıstrliginiń 2025 jylǵy 12 aqpandaǵy esebinshe, elimizde dınamıkalyq baqylaýda turǵan psıhoaktıvti zattardy qoldanbaıtyn minez–qulqy psıhıkalyq buzylǵan (aýytqýy bar) 204 408 adam bar.
