Qyzylordada esirtki satpaq bolǵan burynǵy muǵalim ustaldy

QYZYLORDA. KAZINFORM - Qyzylorda oblysynda asa iri kólemde sıntetıka satpaq bolǵan adam qolǵa tústi. Ol qalaǵa qarasty eldi mekenderdiń birinde muǵalim qyzmetin atqarǵan.

Oblystyq Polıtsııa departamentiniń Esirtki qylmysyna qarsy kúres basqarmasy kúdiktini baqylaýda ustaǵan.

«Polıtsııa qyzmetkerleriniń jedel-izdestirý sharalary nátıjesinde 34 jastaǵy turǵyn qolǵa tústi. Saraptama qorytyndysy kórsetkendeı, tintý kezinde tárkilengen untaq salmaǵy 261 gramm α-PVP psıhotroptyq zaty ekeni anyqtaldy. Kúdikti ýaqytsha ustaý ızolıatoryna oqshaýlandyryldy, tergeý jalǵasýda», - dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylordada kanaldan belgisiz jaǵdaıda qaza tapqan 50 jastaǵy adamnyń máıiti shyǵaryldy.