Qyzylordada birneshe epızodty alaıaqtyq áshkerelendi

  QYZYLORDA. KAZINFORM – Profılaktıkalyq jumys nátıjesinde Qyzylorda oblysynda jyl basynan beri ınternet alaıaqtyǵy 6,5%-ǵa tómendedi.

Oblystyq polıtsııa departamenti qylmysty ashý kórsetkishi 32,4%-ǵa artqanyn, ıaǵnı 43,8%-dan 76,2%-ǵa jetkenin alǵa tartyp otyr.

- Jergilikti turǵynnyń qarajatyn zańsyz ıemdengen alaıaqqa qatysty sondaı qylmystyq isterdiń biri sotta qaraldy. Tergeý barysynda anyqtalǵandaı, kúdikti senimge kirip, onyń aqshasyn aldap alǵan. Jábirlenýshi TikTok áleýmettik jelisinde tómen baǵamen kilem satý jónindegi tikeleı efırdi kórip, taýarǵa tapsyrys beredi. Kórsetilgen esepshotqa 50 myń teńge aýdarǵan. Alaıda taýar jetkizilmegen. Qazaqstan Respýblıkasy Іshki ister mınıstrliginiń Baıqońyr qalasyndaǵy ókildigi men Reseı Federatsııasy Іshki ister mınıstrliginiń Baıqońyr kesheni polıtsııa basqarmasy qyzmetkerleriniń birlesken jedel-izdestirý is-sharalary nátıjesinde Baıqońyr qalasynyń 38 jastaǵy turǵyny ustaldy. Tekserý barysynda onyń osyǵan uqsas tórt epızodqa qatysy bar ekeni anyqtaldy, - delingen habarlamada.

Qylmystyq is aıyptaý aktisimen sotqa joldandy. Bıyl 5 naýryzda Qyzylorda qalalyq sotynyń úkimimen sottalýshy kináli dep tanylyp, oǵan 3 jyl merzimge bas bostandyǵyn shekteý jazasy taǵaıyndaldy.

Búgin ǵana Іshki ister mınıstrligi Qazaqstanda alaıaqtyqtyń jańa túri tirkelip jatqanyn málimdep, el turǵyndaryn saqtyqqa shaqyrdy.