Qyzylordada aqsha salynǵan termınaldardy urlaǵan eki adam sottaldy
QYZYLORDA. KAZINFORM - Qyzylorda qalasynda dárihana jáne dúken ishindegi aqsha salynǵan termınaldardy urlaǵandarǵa qatysty sot úkimi shyqty.
Ońaı jolmen aqsha tabýdy oılaǵan Ý esimdi qala turǵyny aldymen dárihananyń ishindegi termınal men onyń ishindegi aqshany urlaǵan. Artynsha taǵy bir seriktesimen qaladaǵy dúkenniń birine bas suǵyp, ádettegi áreketin qaıtalap, oqıǵa ornynan boı tasalaǵan.
«Sottalýshy Ý dárihana esiginiń qulpyn elektrli drel quralymen buzyp kirip, kire berisinde turǵan termınal qurylǵysyn jymqyrǵan. Odan keıin termınal esigin buzyp, ishindegi aqshany alǵan. Qylmystyń izin jasyrý úshin termınaldy Syrdarııa ózenine laqtyryp, oqıǵa ornynan boı tasalaǵan. Nátıjesinde termınalǵa ıelik etetin seriktestikke 545 myń teńge múliktik shyǵyn kelgen. Qylmystyq is-áreketin jalǵastyrǵan ol tanysy sottalýshy Q-men qaladaǵy dúken esiginiń qulpyn elektrli drel quralymen buzyp, ishke engen. Ondaǵy termınal qurylǵysyn jymqyryp, oqıǵa ornynan boı tasalaǵan. Qylmystyq is-áreket saldarynan seriktestikke 392 myń teńge múliktik shyǵyn kelgen», - dep málim etti Qyzylorda qalasynyń №2 sotynan.
Sot talqylaýynda sottalýshylar taǵylǵan aıyptardy moıyndap, óz áreketine ókinetinin jetkizdi. Sot úkimimen olarǵa 3 jyl merzimge bas bostandyǵyn shekteý jazasy taǵaıyndaldy.
Eske salsaq, budan buryn Qyzylorda oblysynda egiz balany satý oqıǵasyna qatysty úsh adam sottaldy.
