Qyzylordada 6 vagon relsten shyǵyp ketti

QYZYLORDA. KAZINFORM – Oqıǵa 2 qańtar kúni saǵat 17.10-da «Nur Nazar» seriktestiginiń kireberis jolynda, ıaǵnı Qyzylorda júk tasymaldaý bóliminiń Belkól stansasynda manevrlik jumys kezinde bolǵan. 

«Qazaqstan temir joly» kompanııasynyń baspasóz qyzmeti taratqan málimetke súıensek, tazalyq jumysy kezinde joldyń burylys bóliginde 6 vagon saǵatyna 3-5 shaqyrym jyldamdyqpen relsten shyǵyp ketti. Onyń 4-eýi dızel otyny tıelgen tsısterna bolsa, qalǵany – bos vagondar. 

– Aldyn ala málimet boıynsha vagondar jerge qyrymen túsken. Japa shekkender joq. Bul oqıǵa poıyzdardyń negizgi jolmen qozǵalýyna esh kedergi jasamaıdy. Jyljymaly quram men jolǵa da kesiri tımegen. Oqıǵanyń sebep-saldaryn anyqtaý maqsatynda ol jerde komıssııa jumys istep jatyr, - delingen habarlamada. 

Eske salsaq, 31 qańtar kúni Taldyqorǵanda propan tıelgen eki tsısterna relsten shyǵyp ketken edi.