10:04, 09 Naýryz 2025 | GMT +5
Qyzylordada 120-dan astam kıikti atqandar ustaldy
QYZYLORDA.KAZINFORM — Oblystyq polıtsııa departamentiniń qyzmetkerleri 6 naýryz kúni kúdik týǵyzǵan «Volkswagen Crafter» kóligin toqtatyp, teksergen kezde ishinde kıikke uqsas 39 janýar ushasy bolǵan.
— Oǵan qosa, habarlamaǵa sáıkes turǵyn úıdi tekserý barysynda taǵy osyndaı 84 janýardyń ushasy, 14 bas bóligi, 6 terisi tabyldy. Kúdikti retinde oblystyń 3 turǵyny ýaqytsha ustaý ızolıatoryna qamaldy, — dedi departament bastyǵynyń birinshi orynbasary, polıtsııa polkovnıgi Serik Toqtybaev.
Osyǵan baılanysty sotqa deıingi tergep-tekserý jumystary bastalyp, saraptamalar taǵaıyndaldy. Qylmystyń mán-jaıy sonyń nátıjesinde belnili bolady.
Eske salaıyq, osyǵan deıin Qyzylorda oblysynda brakonerden 14 qap kıik eti tárkilengen edi.