Qytaılyq volonter: Dımash arqyly Qazaqstan týraly bildim
ıABÝLI. KAZINFORM – Qytaıda ótip jatqan ІH qysqy Azııa oıyndarynyń volonteri qazaqstandyqtarǵa sáttilik tiledi.
Qysqy Azıadanyń shańǵymen syrǵanaý jarysynda medııa qyzmetkerlerine kómek kórsetetin volonter Shy Tszınfan Kazinform tilshisine Qazaqstan týraly Dımash Qudaıbergen arqyly biletinin aıtty.
– Men Qytaıdyń Hýnan provıntsııasynan keldim, ekinshi kýrs stýdentimin. Qazaqstan týraly eń alǵash Dımash arqyly bildim. Ózimdi Dımashtyń jankúıeri dep sanaımyn, - dedi ol.
Qytaılyq volonter áńgime barysynda qazaqstandyq sportshylarǵa sáttilik tiledi.
– Harbınge qosh keldińizder! Qazaqstan sportshylaryna qysqy Azııa oıyndarynda sáttilik tileımin, - dedi Shy Tszınfan.
Aıta keteıik, búgin shańǵy sportynan Qazaqstan erler jáne áıelder quramasy komandalyq estafetadan jarys jolyna shyǵyp, bir kúmis jáne bir qola medal jeńip aldy.
Qazaqstan quramasyna qoldaý bildirý úshin Ulttyq olımpıada komıtetiniń tóraǵasy Gennadıı Golovkın, Týrızm jáne sport mınıstri Erbol Myrzabosynov ıAbýlıge keldi.
Sonymen qatar, Golovkın men Myrzabosynov júlde alǵan qazaqstandyq sportshylardy quttyqtady.
