Qytaıda qaban 76 jastaǵy áıeldi óltirdi
ASTANA. KAZINFORM — Qytaıdyń soltústik-batysyndaǵy Shensı provıntsııasyndaǵy eldi mekenderdiń birindegi úı aýlasynda qaban egde jastaǵy áıeldi óltirdi, dep habarlaıdy «Hýantsıý shıbao» basylymy.
Jeksenbi kúni jergilikti turǵyndar Qytaıdyń Shensı provıntsııasynyń ýezinde egis alqaptaryna zalal keltirgen qabandardy aýlaýǵa shyqqan. Ańshylardan qashqan qabannyń biri úıdiń aýlasyna kirip, áıel adamdy qatty ekpinmen qaǵyp ótken. Sonyń saldarynan 76 jastaǵy osy kisi aýyr jaralanyp, kóz jumdy.
Bul oqıǵa Qytaıda kópshiliktiń nazaryn aýdardy. Birqatar jergilikti buqaralyq aqparat quraldary adamnyń aldynan qaban shyqqan kezde, qandaı áreketter jasaý kerektigi jóninde nusqaýlyqtar taratty.
Buǵan deıin qarasha aıynda Qytaıda jol talǵamaıtyn kólik bir top oqýshyny basyp ketkenin jazǵan edik.
