Qytaıda «Dombyra kúni» atalyp ótti
BEIJІŃ. KAZINFORM - Qazaqstannyń Qytaıdaǵy Elshiligi Beıjiń ulttyq aspaptar orkestriniń oqýshylarymen jáne ustazdarymen birlesip «Qazaqstannyń ulttyq merekesi – Dombyra kúnin» atap ótti.
Elshiliktiń Instagram paraqshasynda jarııalaǵan aqparatta jas mýzykanttar ustazdarmen birge «Kelinshek kúıin» oryndaǵany aıtylǵan.
2015 jyly resmı túrde qurylǵan Beıjiń ulttyq orkestri – Beıjińdegi qazaqtyń ulttyq aspaby «Dombyrada» oınaýdy kásibı túrde úıretetin jalǵyz orkestr bolyp tabylady. Bul orkestr Qytaıdaǵy jáne shet elderdegi eń úlken sahnalarda óner kórsetetin 500-den astam mýzykanttary bar Beıjińdegi eń iri mýnıtsıpaldyq mádenı jáne óner ujymdarynyń biri.
Aıta keteıik, Ulttyq dombyra kúni Qazaqstanda jyl saıyn shildeniń alǵashqy jeksenbisinde atalyp ótedi.
Osyǵan deıin Qazaqstanda dombyraǵa qoıylǵan eskertkishter týraly materıal jarııalaǵan edik.