Qytaıda álemdegi eń bıik kópir ashylady

ASTANA. KAZINFORM –  Qytaıda 28 qyrkúıekte álemdegi eń bıik kópir – Hýatszıan Grand Kanon resmı túrde ashylmaq, dep habarlaıdy AZERTADJ.

Gýıchjoý provıntsııasynyń ońtústik-batysynda ornalasqan Lıýchjı–Anlýn jyldam tas jolyndaǵy bul kópirdiń jalpy uzyndyǵy – 2890 metr, negizgi aralyǵy – 1420 metr, al sý betinen bıiktigi – 625 metr. Rekordtyq uzyndyǵy men bıiktigi ony taýly aımaqtaǵy álemdegi eń uzyn ári eń bıik kópir etedi.

Qurylysy 2022 jyldyń basynda bastalǵan nysanda ınjenerler tabıǵı tosqaýyl – Hýatszıan Úlken kanonyn eńserdi. Jumystarda BeiDou navıgatsııalyq spýtnıktik júıesi, drondar, BIM-modeldeý, ıntellektýaldy monıtorıng, asa berik materıaldar jáne ınnovatsııalyq qurylys tehnologııalary qoldanyldy.

Sonyń arqasynda mamandar kanon túbinen júzdegen metr bıiktikte mıllımetrlik dáldikke qol jetkizdi. Kezinde adam óte almaıtyn tereń shatqal endi mańyzdy kólik dálizine aınalady.

Kópir paıdalanýǵa berilgennen keıin kanondy kesip ótý ýaqyty eki saǵattan eki mınýtqa deıin qysqaryp, óńirdegi kólik qatynasy aıtarlyqtaı jaqsarady.

Aıta ketelik Qytaıda salynyp jatqan kópirde trostar úzilip, 12 adam qaza tapqan edi.