Qytaı Qazaqstandaǵy konstıtýtsııalyq reformalardy oń baǵalady

ASTANA. KAZINFORM — Qazaqstannyń Qytaı Halyq Respýblıkasyndaǵy elshisi Shahrat Nuryshev QHR Syrtqy ister mınıstriniń kómekshisi (mınıstrdiń orynbasary deńgeıinde) Lıý Bınmen kezdesý ótkizdi, dep habarlaıdy QR SІM baspasóz qyzmeti.

Kezdesý barysynda elshi suhbattasyn Qazaqstan Respýblıkasynyń Prezıdenti Qasym-Jomart Toqaevtyń V-shi Ulttyq quryltaıda sóılegen sóziniń negizgi mazmunymen jáne jalpyulttyq referendýmǵa shyǵarylatyn Qazaqstannyń konstıtýtsııalyq aýqymdy ózgeristerimen tanystyrdy.

Sh.Nuryshev Qazaqstanda júrgizilip jatqan reformalar memlekettik basqarýdyń tıimdiligin arttyrýǵa jáne «Ádiletti Qazaqstandy» qurýǵa baǵyttalǵanyn atap ótti.

L.Bın óz kezeginde Qazaqstandaǵy saıası jáne áleýmettik-ekonomıkalyq ózgeristerdiń barysyn oń baǵalap, eki el arasyndaǵy ózara senim joǵary deńgeıde ekenin atap ótti.

— Kezdesýdiń qorytyndysy boıynsha taraptar Qazaqstan men Qytaı arasyndaǵy máńgilik jan-jaqty strategııalyq seriktestikti odan ári nyǵaıtýǵa, ekijaqty jáne kópjaqty formattar sheńberinde saıası dıalogty keńeıtýge jáne yntymaqtastyqty ilgeriletýge ózara múddeliligin rastady, — delingen habarlamada.

Osydan buryn Ulttyq quryltaıda aıtylǵan Prezıdent bastamalary Nıý-Delıdegi konferentsııada tanystyrylǵanyn jazdyq.