Qytaı AQSh-pen saýda kelisimi jasalǵanyn rastady

ASTANA. KAZINFORM – Jarııalanǵan málimdemede QHR baqylaýdaǵy taýarlardyń eskportyna ruqsat etilgenin rastaıdy, al AQSh Qytaıǵa qarsy qolǵa alynǵan shekteý sharalaryn alyp tastaıdy, dep habarlaıdy Kazinform agenttiginiń menshikti tilshisi euronews-ke silteme jasap.

AQSh pen Qytaı saýda kelisimin jasady, dep málimdedi QHR-diń saýda mınıstrligi juma kúni. Bul rette mınıstrlik ókili aýqymdy kommertsııalyq «soǵystyń» toqtaǵanyn jetkizdi.

Málimdeme Donald Tramptyń beısenbi kúni Aq úıde jýrnalısterge taraptardyń kelisimge kelgenin jarııalaǵanynan keıin jasaldy. AQSh prezıdenti kelisimge qatysty qosymsha eshteńe aıtpady.

Jenevadaǵy maı aıynyń basyndaǵy kelissózder eki el arasyndaǵy saýdanyń toqtaýyna ákeletin tarıfterdi barynsha kóterý týraly bastamany keıinge qaldyrdy.

Kelissózderdiń kelesi, Londonda ótken kezeńi Tramp aıtqan kelisimge negiz qalady.

Osyǵan deıin AQSh Qytaımen saýda boıynsha kelisimge keldi AQSh-tyń Qytaımen saýda kelisimine kelgenin habarladyq.