Qytaı Afrıka elderine nóldik kedendik baj rejımin usynady
ASTANA. KAZINFORM — Qytaı ózimen dıplomatııalyq qatynasy bar barlyq Afrıka elderine nóldik kedendik baj rejımin usynatyn boldy, dep habarlaıdy Sınhýa.
Qytaı bıligi 2026 jylǵy 1 mamyrdan bastap Afrıka elderine qatysty nóldik kedendik baj salyǵy rejımin keńeıtetinin jáne ony QHR-men dıplomatııalyq qatynasy bar barlyq afrıkalyq memleketterge taratatynyn habarlady.
QHR Memlekettik keńesi janyndaǵy Kedendik bajdar jónindegi komıtettiń habarlaýynsha, 2026 jylǵy 1 mamyrdan 2028 jylǵy 30 sáýirge deıin Qytaı dıplomatııalyq qatynasy bar jáne eń az damyǵan elder sanatyna jatpaıtyn 20 afrıkalyq memleketke jeńildikti tarıftik rejım aıasynda nóldik kedendik baj stavkasyn usynady.
2024 jylǵy 1 jeltoqsannan bastap Qytaı buǵan deıin dıplomatııalyq qatynasy bar 33 eń az damyǵan afrıkalyq eldiń barlyq taýar pozıtsııalary boıynsha nóldik kedendik baj engizgen bolatyn.
Jańa keńeıtilgen saıasat kúshine engennen keıin Qytaı álemdegi iri ekonomıkalardyń ishinde Afrıka elderiniń barlyǵyna jáne dıplomatııalyq qatynasy bar eń az damyǵan barlyq memleketke birjaqty jáne tolyq qamtıtyn nóldik kedendik baj rejımin usynatyn alǵashqy elderdiń biri bolmaq.
Osydan buryn Qytaı astanasynda mamyrdan bastap drondarǵa tolyq tyıym salynatynyn jazǵan bolatynbyz.
