Qysqy ýnıversıada: Búgin el quramasynan kimder saıysqa túsedi

ASTANA. KAZINFORM - Búgin, 19 qańtarda Italııanyń Týrın qalasynda 2025 jylǵy Qysqy ýnıversıadanyń besinshi jarys kúninde qazaqstandyq sportshylar shańǵy jarysy, sporttyq baǵdarlaý jáne shaıbaly hokkeıden synǵa túsedi.

Shańǵy jarysynan aralas komandalyq sprıntte Іlııas Isabek, Laýra Kynybaeva, Svıatoslav Matasov, Elızaveta Tolmacheva jarys jolyna shyǵady.

Al sporttyq baǵdarlaý erlerde sprıntte Davıd Sıvolapov, Aleksandr Fırsov, Ivan Bıtkın, Nıkıta Iost, Ilıa Taganashkın, áıelderde Anjelıka Garıfova, Valerııa Chýpına, Angelına Kýzmına, Evgenııa Zavıalova jáne Karına Boranbaeva saıysqa túsedi.

Al shaıbaly hokkeıden erler arasynda shırek fınalda Qazaqstan men Slovakııa oınaıdy.

Eske salsaq, qazirge deıin qazaqstandyq sportshylar medaldar kestesinde úsh altyn, tórt kúmis, úsh qola aldy. El quramasy qorjynyna qos altyndy frıstaılshy Anastasııa Gorodko salsa, bıatlonnan 10 shaqyrymdyq sprınt jarysynda Nıkıta Akımov ta jeńis tuǵyryna kóterildi.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov eki márte (parashańǵy, 10 shaqyrym, 1400 metr sprınt) kúmis, Roman Qurbanov eki márte (parashańǵy, 10 shaqyrym, 1400 metr sprınt), bıatlonshy Arına Krıýkova qola medal aldy.

Elimiz júlde sany jóninen medaldar kestesinde altynshy orynda keledi.