Qyrǵyzstanda Qamshy Kólbaevtyń jaqtasy ustaldy
BІShKEK. KAZINFORM – Qyrǵyzstanda «Kesha» laqap aty bar qylmys áleminiń serkesi ustaldy, dep habarlaıdy Kazinform menshikti tilshisi.
Qyrǵyz Respýblıkasy Ulttyq qaýipsizdik memlekettik komıtetiniń málimetinshe, «Kesha» laqap atymen belgili ustalǵan R.K.R. 2009 jyldan beri quqyq qorǵaý organdarynyń jedel esebinde turǵan. Sondaı-aq ol buǵan deıin A.Anapııaev tobynyń múshesi bolǵan. 2016 jyly ol esirtki saýdasymen aınalysqany úshin jazasyna qatań rejımdegi kolonııada ótkýzimen 12 jylǵa bas bostandyǵynan aıyryldy.
– Jarty merzimin ótegennen keıin R.K.R. shartty túrde merziminen buryn bosatý týraly ótinish bildirdi, ony Toktogýl aýdandyq soty qanaǵattandyrdy. Ol 18.10.2022 jyldan 13.03.2025 jylǵa deıin probatsııalyq baqylaýda boldy. 2024 jyldyń jeltoqsanynda ustalǵan er adam probatsııalyq qadaǵalaý sharttaryn óreskel buza otyryp, Qyrǵyz Respýblıkasynyń memlekettik shekarasynan Qazaqstan Respýblıkasy baǵytynda josparly túrde zańsyz ótken, - delingen habarlamada.
Ol 2025 jyldyń 2 qyrkúıeginde ustalyp, Qyrǵyz Respýblıkasy UQMK ýaqytsha ustaý oqshaýlaǵyshyna qamaldy.
Eske sala ketsek, 2023 jyldyń qazanynda Bishkekte arnaıy operatsııa kezinde qylmystyq avtorıtet Qamshy Kólbaev qaza tapty.
Qamshy Kólbaevtyń quny jarty mln dollar turatyn asyl tuqymdy jylqylary tárkilendi jáne onyń qylmystyq toby músheleriniń jyljymaıtyn múlikteri anyqtaldy.
Sondaı-aq Qamshy Kólbaevtyń uıymdasqan qylmystyq tobynyń múshelerine jerdi zańsyz berýge qatysty sybaılas jemqorlyq isi boıynsha onyń aǵasy Joldoshbek Kólbaev pen toptyń úsh múshesi ustaldy.