Qyrǵyzstan men Ózbekstan sottalǵandardy ózara almastyrady

BІShKEK. KAZINFORM — Qyrǵyzstan men Ózbekstan arasynda sottalǵandardy berý týraly kelisimge 2024 jyldyń 18 shildesinde Tashkentte qol qoıylǵan, dep habarlaıdy Kazinform menshikti tilshisi.

Qyrǵyz Respýblıkasynyń Jogorký Keńeshi Qyrǵyzstan men Ózbekstan arasyndaǵy bas bostandyǵynan aıyrý jazasyna kesilgen tulǵalarmen merzimin odan ári óteý úshin almasý týraly kelisimdi birinshi oqylymda ratıfıkatsııalady. Ol sottalǵandardy jazasyn azamaty bolyp tabylatyn memlekette odan ári óteý úshin berý salasyndaǵy ekijaqty yntymaqtastyq máselelerin retteıdi.

Qyrǵyzstan Respýblıkasy Bas prokýratýrasynyń málimetinshe, qazirgi kezde Ózbekstan Respýblıkasynda 42 qyrǵyz azamaty, al Qyrǵyzstanda 98 ózbek azamaty jazasyn ótep jatyr.

Eske salsaq, osyǵan deıin Qyrǵyzstanda múgedekterdi zorlaǵandar ómir boıyna sottalatyny habarlandy.