Qyrǵyzstan memlekettik maınıngti zańdastyrmaq

BІShKEK. KAZINFORM — Qyrǵyzstannyń Jogorký Keńesi vırtýaldy aktıvter týraly zań jobasyna túzetýlerdi úsh oqylymda maquldady, dep habarlaıdy Kazinform menshikti tilshisi. 

Qujat memlekettik krıptovalıýta rezervin qurýdy jáne memlekettik taý-ken óndirýdi júzege asyrýdy kózdeıdi.

Zań jobasynyń maqsattary: 

* Qyrǵyz Respýblıkasynyń Prezıdenti aıqyndaıtyn ýákiletti organǵa ókilettikterdi berý arqyly vırtýaldy aktıvterge qyzmet kórsetýshilerdiń qyzmeti salasyndaǵy memlekettik retteýdiń tıimdiligin arttyrý; 
* Qyrǵyz Respýblıkasynyń vırtýaldy aktıvter týraly zańnamasy sheńberinde naqty aktıvtermen qamtamasyz etilgen steıblkoındardy, tokenderdi (Real World Asset Tokens, RWA tokens) shyǵarý jáne aınalymy úshin quqyqtyq jaǵdaılar jasaý;
* «memlekettik maınıng» jáne «memlekettik krıptovalıýtalyq rezerv» uǵymdaryn engizý;
* ınvestorlardy alaıaqtyqtan qorǵaý, Qyrǵyz Respýblıkasynyń vırtýaldy aktıvter naryǵynyń turaqtylyǵy men ashyqtyǵyn qamtamasyz etý, tek qamtamasyz etilgen aktıvterdi, onyń ishinde shetel valıýtasyn shyǵarýǵa (emıssııaǵa) ruqsat berý;
* vırtýaldy aktıvter salasyndaǵy ınnovatsııalyq ónimder men sheshimderdi qaýipsiz synaqtan ótkizýdiń quqyqtyq negizderin qurý (retteýshi qumsalǵysh).

Zańnyń qabyldanýy: 

* vırtýaldy qarjy quraldarynyń jańa klasyn damytýǵa jaǵdaı jasaıdy;
* vırtýaldy aktıvter salasyndaǵy ınnovatsııalyq ónimder men sheshimderdi qaýipsiz synaqtan ótkizýdiń quqyqtyq negizderin qurady (retteýshi qumsalǵysh).
• ótimdilikti arttyrý, mámilelerdi jáne jahandyq qoljetimdilikti jeńildetý arqyly ekonomıkanyń naqty sektoryna ınvestıtsııalardy tartýdy jeńildetedi;

• tokendendirilgen aktıvterge degen senimdi nyǵaıtady;

• operatsııalardy zańdastyrý arqyly salyq túsimderin ulǵaıtady; 
* eldiń tehnologııalyq básekege qabilettiligin arttyrady.

Buǵan deıin Qyrǵyzstanda eldiń memlekettik rámiziniń logotıpi ázirlengenin habarlaǵan bolatynbyz.