Qyrǵyzstan makýlatýra eksportyna tyıym saldy
BІShKEK. KAZINFORM – Qyrǵyzstanda qaıta óńdelgen qaǵaz ben karton eksportyna moratorıı engizildi, dep habarlaıdy Kazinform menshikti tilshisi.
Mınıstrler kabınetiniń kabyldanǵan qaýlysyna sáıkes, EAEO SEQ TN kody boıynsha jiktelgen taýarlardy alty aı boıy eksporttaýǵa tyıym salynady.
Bul sharalar ishki naryqty qoljetimdi shıkizatpen qamtamasyz etýge baǵyttalǵan.
Qyrǵyz Respýblıkasynyń Ekonomıka jáne saýda mınıstrligine belgilengen tártippen Dúnıejúzilik saýda uıymy men Eýrazııalyq ekonomıkalyq komıssııany, al Syrtqy ister mınıstrligine TMD Atqarýshy komıtetin ýaqytsha tyıym salý týraly habardar etý tapsyryldy. Qyrǵyz Respýblıkasy Mınıstrler kabınetiniń janyndaǵy Memlekettik keden qyzmeti men Ulttyq qaýipsizdik memlekettik komıtetiniń Shekara qyzmeti taýarlardyń zańsyz eksportynyń aldyn alý úshin qajetti sharalardy qabyldaýy tıis.
Buǵan deıin Qyrǵyzstanda elektrondy temeki ımportyna tyıym salynǵanyn jazǵan bolatynbyz.
