Qyrǵyzstandaǵy jer silkinisi Qazaqstannyń úsh aýmaǵynda sezildi

ASTANA. KAZINFORM — 5 tamyzda Astana ýaqytymen 18:44-de Qyrǵyzstan aýmaǵynda jer silkinisi tirkeldi, dep habarlaıdy QR Tótenshe jaǵdaılar mınıstrligi.

Jerasty dúmpýiniń oshaǵy Almaty qalasynan ońtústik-batysqa qaraı 408 shaqyrym qashyqtyqta ornalasqan. Jer silkinisiniń energetıkalyq klasy — 13.1, magnıtýdasy MPV 5.9 qurady.

Eseptik qarqyndylyǵy Jambyl jáne Túrkistan oblystarynyń, sondaı-aq Shymkent qalasynyń birneshe eldi mekeninde 2 ball deńgeıinde sezilgen:

Jambyl oblysy: Merki, Qulan, Sarykemer, Baýyrjan Momyshuly, Asa, Qordaı, Qarataý, Tóle bı aýyldary men Taraz, Shý qalalary;

Túrkistan oblysy: Turar Rysqulov (Túlkibas aýdany), Lengir, Mankent, Saıram, Aqsýkent, Qazyǵurt, Saryaǵash, Abaı (Keles aýdany), Temirlan (Ordabasy aýdany);

Shymkent qalasy — 2 ball, 279 km qashyqtyqta.

Qıraý nemese zardap shekkender týraly aqparat túsken joq.

Aıta keteıik, buǵan deıin jer silkinisinen keıin Kamchatkanyń bir bóligi shamamen 2 metrge jyljyǵany habarlandy.