Qyrǵyz prezıdenti Astanaǵa keldi
ASTANA. KAZINFORM - Qyrǵyz prezıdenti Sadyr Japarov Qazaqstanǵa saparmen keldi. Bul týraly QR Úkimeti habarlady.
Qyrǵyz memleketiniń basshysy 28 qarasha kúni Astanada ótetin UQShU Ujymdyq qaýipsizdik keńesiniń otyrysyna qatysady.
Onda memleket basshylary halyqaralyq jáne óńirlik jaǵdaı, onyń UQShU-ǵa múshe memleketterdiń qaýipsizdigine áseri týraly pikir almasady, yntymaqtastyq nátıjeleri men ujymdyq qaýipsizdik júıesin odan ári damytý perspektıvalaryn talqylaıdy.
Sonymen qatar, 28 qarashada Astanada Syrtqy ister mınıstrleri keńesiniń, Qorǵanys mınıstrleri keńesiniń jáne UQShU Qaýipsizdik keńesteri hatshylary komıtetiniń birlesken otyrysy ótedi.
Esterińizge sala keteıik, buǵan deıin Qasym-Jomart Toqaev Aqordada Vladımır Pýtındi qarsy aldy. Sonymen qatar Belarýs prezıdenti Aleksandr Lýkashenko Qazaqstanǵa jumys saparymen kelgeni týraly habarlandy.