Kıpr Qazaqstanda elshilik ashýdy josparlap otyr

ASTANA. KAZINFORM – Kıpr Respýblıkasy Qazaqstanda elshilik ashý týraly bastama kóterdi. Bul týraly Syrtqy ister mınıstri Murat Nurtileýdiń Kıpr Respýblıkasynyń SІM basshysy Konstantınos Kombospen kezdesýinde aıtyldy, dep habarlaıdy Aqordanyń baspasóz qyzmeti. 

Murat Nurtileý qazaqstandyq tarap Qazaqstanda Kıpr elshiliginiń ashylýyna qajetti qoldaý kórsetýge daıyn ekenin málimdedi.

– Biz Kıpr Respýblıkasynyń Astanada elshilik ashý bastamasyn joǵary baǵalaımyz. Qazaqstan úkimeti dıplomatııalyq mıssııanyń ashylýyna qoldaý kórsetýge daıyn. Eki eldiń resmı tulǵalarynyń saparlarmen almasýy óte mańyzdy. Bul – Qazaqstan men Kıprdiń saıası qatynastaryn jańa deńgeıge kóteredi, - dedi M.Nurtileý.

Ol memleket basshylary, úkimet, mınıstrlikter men parlamentter deńgeıindegi delegatsııalarǵa jıi barýdyń barlyq sharttary bar ekenin jetkizdi.

Onyń aıtýynsha, 2023 jyly Qazaqstan men Kıpr alǵash ret Syrtqy ister mınıstrlikteri deńgeıinde saıası konsýltatsııalar ótkizgen.