Kinder óniminde qaýipti zat bar degen ras pa

ASTANA. KAZINFORM — Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti áleýmettik jelide «Kinder» óniminde qaýipti zattar bar degen jalǵan aqparat tarap jatqanyn aıtty.

— Áleýmettik jelilerde «Kinder» óniminde qaýipti zattar bar degen aqparat tarap jatyr.  Bul málimetterdiń eskirgen jáne 2016 jylǵa qatysty ekendigin habarlaımyz, — delingen vedomstvo habarlamasynda.

Atalǵan másele boıynsha EAEO-nyń quzyretti organdary óz ýaqytynda tekserý júrgizgen, nátıjesinde qandaı da bir zań buzý faktileri rastalmaǵan.

— Qazirgi ýaqytta bul ónimge qatysty halyqtan shaǵym men ótinishter tirkelgen joq. Tek resmı jáne tekserilgen aqparat kózderine ǵana senýlerińizdi suraımyz, — delingen habarlamada.