Kıik atqan aqmolalyqqa qatysty is qozǵaldy

KÓKShETAÝ. QazAqparat – Aqmola oblysynyń 42 jastaǵy turǵynynyń ústinen zańsyz kıik atyp alý boıynsha qylmystyq is qozǵaldy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, ol tabıǵatty qorǵaý polıtsııasynyń qyzmetkerleri men «Ohotzooprom» kásipornynyń jáne janýarlar dúnıesi orman sharýashylyǵy aýmaqtyq ınspektsııasy qyzmetkerleri birlesip júrgizgen reıd barysynda ustaldy.

«12 tamyzda «Ohotzooprom» kásiporny qyzmetkerleri Amangeldi aýyldyq okrýginiń aýmaǵynda 42 jastaǵy turǵynnyń zańsyz múıizdi kıikti atyp alǵanyn anyqtady. Qorǵaljyn aýdandyq polıtsııa bólimi osyǵan baılanysty Qylmystyq kodekstiń 337-baby 4-bóligi (zańsyz ań aýlaý) boıynsha sotqa deıingi tergeýdi bastady. Polıtsııa qyzmetkerleri kúdiktiden tirkelmegen tegis, bir uńǵyly «IJ-16» myltyǵyn, 5 gılzany tárkiledi», - dedi vedomstvodan.

Sonymen birge, er adamnyń buryn Qylmystyq kodekstiń 188-baby boıynsha qylmystyq jaýapqa tartylǵany anyqtaldy.

Osy rette, polıtsııa qyzmetkerleri el aýmaǵynda ǵylymı maqsattarda paıdalanýdy qospaǵanda, kıikterdi, olardyń bólikteri men derıvattaryn 2023 jylǵa deıin paıdalanýǵa tyıym salynǵanyn eske salady. Aqbókenderdi zańsyz aýlaý faktilerin anyqtaý, aldyn alý jáne jolyn kesý maqsatynda 8-18 tamyz aralyǵynda oblys aýmaǵynda «Aqbóken» respýblıkalyq aktsııasy ótip jatyr.

Aıta ketsek, Aqmola oblysynda myńdaǵan kıik egindi taptap júrgenin jazǵan edik.